r   e   k   l   a   m   a
r   e   k   l   a   m   a

Java 9 bydzie lekko, szparobliwo i modułowo jak kłopetki LEGO

Strona główna AktualnościOPROGRAMOWANIE

Java 9 ciśnie. Bydzie lekko, łoszczędno i modułowo jak kłopetki LEGO. Po rokach trudów łodkładanio na zawżdy w końcu nadeszoł modułowy Java 9 czyli projekt ”Układań”. Pomysły boły zebrane cołki latami na koniec wraz z wydoniem Javy 9 dostanymy łobiecane łod dawna javowe kłopetki. Dzięki Bogu, żeby rozruchać aplikacje niy trza bydzie ciągnąc cołkiego rubego środowiska. Programisty i użytkowniki rade bydom.

Delowka Java SE łod samego początku boła blank wielką bryłą kery niy idzie powelować, choby nawet potrzeba ino koncek trza ściagać blank wszystko. Maszyny z blank małym rozumem i chmury klęknyły pod jej naporym.

„Układanka” je to zbior klas, bibliotek i róznych inkszych koncków wroz z metadanymi. Są richtig jak putnia z kłopetkami LEGO kere bydzie szło dokłodać to swojego projektu. Stawio sie do układanki compact profiles w Javie 8, ale kłopetki bydom kupa drobniejsze. Cosik więcej bezmała bydom zgodne z inkszymi podobnymi jak standard łopracowany bez OSGi Allianse.

r   e   k   l   a   m   a

Wroz z rozbiciem Javy na tajle stracą sie pliki RT.JAR (Runtime JAR), kere do wielu są niemożliwym kapką ała. Zastompiom łone profile kompaktowe. Dzieki tyu JVM miy bydzie sie tak panoszyć. Pliki JAR bydom z nami do końca świata jedyn dzień dugszyj.

Modułowość wysztygluje bali co by boło zicher, co Javie sie przydo. Java 9 snotwio echtne granice i widno określi co bydzie musiało zostać drin modułu a co bydzie widać po wierchu. Linkowaniem modułów bydzie sie zajmowoł nowy linkier jlink.

Java 9 uniskorzyła się. Robota przeciągo sie i mo sie ukozać na drugi rok. W wersji 10 nieśmiało zapowiadano na rok 2018 bydom wielkie zmiany w systemie typowania obiektów. Mni ważny bydzie typ­, ważny bydzie skąd je.

© dobreprogramy
r   e   k   l   a   m   a
r   e   k   l   a   m   a

Komentarze

r   e   k   l   a   m   a
r   e   k   l   a   m   a
Czy wiesz, że używamy cookies (ciasteczek)? Dowiedz się więcej o celu ich używania i zmianach ustawień.
Korzystając ze strony i asystenta pobierania wyrażasz zgodę na używanie cookies, zgodnie z aktualnymi ustawieniami przeglądarki.